मनोज जरांगे पाटील यांनी उपोषण स्थगित केल्यानंतर आता खासदार धैर्यशील मोहिते पाटील त्यांची भेट घेणार आहेत. जरांगे यांच्या तब्बेतीची चौकशी करण्यासाठी धैर्यशील मोहिते जाणार आहेत. 100 गाड्यांचा ताफा घेऊन सध्या ते अंतरावली सराटीच्या दिशेने रवाना झाले आहेत.

मनोज जरांगे पाटील यांनी आंदोलनाच्या बुधवारी 9 व्या दिवशी उपोषण स्थगित करत असल्याची घोषणा केली आहे. मराठा समाजाला ओबीसी मधून आरक्षण मिळावे, आंदोलन काळातील आंदोलकावरील गुन्हे सरसकट मागे घ्यावे, यासह अन्य मागण्यांसाठी मनोज जरांगे यांच उपोषण सुरू होते. त्यांनी उपोषण स्थगित केल्यानंतर आता खासदार धैर्यशील मोहिते पाटील त्यांच्या भेटीसाठी आपल्या 100 गाड्यांच्या ताफ्यासह रवाना झाले आहेत. जरांगे यांच्या तब्बेतीची चौकशी करण्यासाठी ही भेट असल्याचं सांगण्यात आलं आहे.