महायुती विधानसभा निवडणूक ही एकनाथ शिंदे यांच्या नेतृत्वाखाली लढवणार असे सांगितले जात आहे. त्यावर दिल्लीतले नेते देवेंद्र फडणवीसांचे पंख छाटत असल्याचा टोला शरद पवार गटाचे खासदार अमोल कोल्हे यांनी लगावला आहे. कोल्हे म्हणाले की आम्हाला वाटलं विधानसभा निवडणूक महायुती ही देवेंद्र फडणवीसांच्या नेतृत्वात लढवतील. पण दिल्लीच्या शीर्षस्थ नेत्यांकडून जर फडणवीसांचे पंख छाटण्याचे काम करत असतील तर हा त्यांचा अंतर्गत प्रश्न आहे असे कोल्हे म्हणाले. तसेच मराठा आरक्षणावरून महाविकास आघाडीवर टीका करण्याऐवजी या प्रश्नावर तोडगा काढा असेही कोल्हे म्हणाले.