कर्नाटकातील भाजपचे माजी आमदार एन. एल. नरेंद्र बाबू यांनी काँग्रेसमध्ये प्रवेश केला.
काँग्रेसमध्ये प्रवेश करण्याच्या आदल्या दिवशी त्यांनी भाजपचा राजीनामा दिला होता.
नरेंद्र बाबू यांनी कर्नाटक भाजपच्या ओबीसी मोर्चाच्या अध्यक्षपदाचाही राजीनामा दिला.
राजकारणात धक्कातंत्र अवलंबून विरोधकांना चेकमेट करणाऱ्या भाजपला आता काँग्रेसकडून मोठे धक्के बसत आहेत. बडे-बडे नेते काँग्रेस वाट धरू लागलेत. चंडीगडनंतर रविवारी कर्नाटकच्या राजकारणात एक मोठा बदल पाहायला मिळाला. येथील भाजपचे माजी आमदार एन. एल. नरेंद्र बाबू यांनी काँग्रेस पक्षात प्रवेश केलाय. उपमुख्यमंत्री डी. के. शिवकुमार, राज्याचे काँग्रेस अध्यक्ष बी. के. हरिप्रसाद आणि पक्षाच्या इतर वरिष्ठ नेत्यांच्या उपस्थितीत त्यांनी अधिकृतपणे पक्षात प्रवेश केला.
नरेंद्र बाबू यांनी आदल्या दिवशीच म्हणजेच शनिवारी, भाजपचा राजीनामा दिला होता. त्यासोबतच त्यांनी पक्षाच्या कर्नाटक ओबीसी मोर्चाच्या अध्यक्षपदाचाही राजीनामा दिला. आपण काँग्रेसमध्ये परतत असल्याचे त्यांनी स्पष्ट केले होते. राज्यातील काही नेते भाजप सोडून काँग्रेसमध्ये जाण्याबाबत जोरदार चर्चा सुरू असतानाच ही राजकीय घडामोड घडलीय.
या प्रसंगी बोलताना उपमुख्यमंत्री डी. के. शिवकुमार यांनी सांगितले की, केवळ नरेंद्र बाबूच नव्हे, तर भाजपचे इतरही अनेक नेते काँग्रेसच्या संपर्कात आहेत. यात केंद्रीय स्तरावरील नेत्यांचाही समावेश असल्याचा दावा त्यांनी केला. तसेच, काँग्रेसमध्ये सामील होऊ इच्छिणाऱ्यांची यादी तयार करण्याची जबाबदारी पक्षाने जिल्हास्तरावरील काँग्रेस नेत्यांवर सोपवली असल्याचेही त्यांनी नमूद केले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.