बार बंद करण्याची वेळ झाल्याने बिल भरण्यास सांगितल्याचा राग आल्याने ग्राहकाने मित्रांना बोलावून बार मॅनेजरवर चौघांनी मिळून हल्ला केल्याची घटना यवतमाळच्या वणी येथील वरोरा रोडवरील लॉर्ड्स बारमध्ये घडली. मारहाणीचा हा प्रकार सीसीटीव्ही कॅमेऱ्यात कैद झाला आहे. मॅनेजर आनंदराव उईके यांच्या तक्रारीनुसार, शेख ताबीज शेख रानु हा बारमध्ये मद्यप्राशन करत होता. बार बंद करण्याची वेळ झाल्याने वेटरला बिल घेण्यास सांगितल्यानंतर ताबीजने वाद घातला. त्यानंतर त्याने फिरोज खान, साकिब शब्बीर खान आणि दोन विधिसंघर्ष बालकांना बोलावून घेत बार मॅनेजर उईके यांना हाताबुक्क्यांनी मारहाण केली. त्यांना वाचवण्यासाठी आलेल्या वेटरलाही धक्का देण्यात आला. खाली पडलेल्या उईके यांना लाथांनी मारहाण केल्याचा आरोप आहे. या प्रकरणी वणी पोलिसांनी तक्रार दाखल करून सीसीटीव्ही फुटेजच्या आधारे तपास सुरू केला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.