मुंबई : मान्सून पावसासंदर्भातील महत्त्वाची बातमी समोर आली आहे. येत्या आठ दिवसांत मान्सून अंदमानमध्ये दाखल होईल, अशी शक्यता वर्तवण्यात आली आहे. त्यानंतर आठवड्याभरातच मान्सून महाराष्ट्रातही दाखल होईल, असा अंदाज वर्तवण्यात आलाय. दरम्यान, 19 मे नंतर राज्यात सुरु असलेला अवकाळी पावसाचा जोर ओसरले, असं सांगितलं जातंय. सध्या राज्यात वेगवेगळ्या भागात अवकाळी पावसाने हजेरी लावलीय. अचानक आलेल्या पावसामुळे अनेकांची तारांबळ उडाल्याचंही पाहायला मिळाली. मात्र आता मान्सून संदर्भात महत्त्वाची अपडेट समोर आलीय. त्यामुळे उकाड्याने हैराण झालेल्यांना दिलासा मिळालाय.