राज्यात हिंदी मराठी वाद सुरू असतानाच मुंबई येथील मीरा रोड येथे एका फेरीवल्याने मराठी बोलण्यास नकार न दिल्याने मनसैनिकांनी त्याच्या कानशिलातच लगावली आहे.

मराठी भाषा न बोलल्यामुळे मनसेच्या कार्यकर्त्यांकडून एका फेरीवाल्याला चांगलाच चोप देण्यात आला. मिरारोड येथील बालाजी हॉटेलसमोर ही घटना घडली असून, मसाला डोसा विक्री करणाऱ्या फेरीवाल्याला मनसेने भररस्त्यात चोप दिला.

मिळालेल्या माहितीनुसार, संबंधित फेरीवाला मराठी भाषेत संवाद साधण्यास नकार देत होता. त्यामुळे संतप्त झालेल्या महाराष्ट्र नवनिर्माण सेनेच्या कार्यकर्त्यांनी त्याला धारेवर धरले. यामध्ये मनसेचे मिरारोड उपशहर प्रमुख करण कांडणगिरे हेही सहभागी होते. त्यांनी थेट रस्त्यावर उतरून संबंधित फेरीवाल्याला चोप दिला. या घटनेचा व्हिडीओ सोशल मीडियावर व्हायरल होत आहे.