मारवाडीत बोल असा हट्ट धरणाऱ्या एका व्यापऱ्याला मनसेच्या कार्यकर्त्यांनी चोप दिला आहे. मुंबईतील गिरगाव परिसरातील ही घटना आहे. गिरगावच्या मराठीबहुल भागात एक दुकानदार मारवाडीतून बोलण्याचा हट्ट करत असल्याने मनसैनिक संतापले. त्यानंतर त्यांनी या दुकानदाराला मनसे स्टाईलने समज दिली आहे. यापूर्वी देखील एका तिकीट चेकरने मराठीच्या मुद्द्यावरून येथे हुज्जत घातली होती. त्यावेळी देखील त्याला मनसेच्या कार्यकर्त्यांनी चोप दिला होता. या सर्व प्रकारचा व्हिडिओ सध्या सोशल मिडियावर व्हायरल होत आहे.

दरम्यान, मनसेच्या कार्यकर्त्यांनी दम दिल्यानंतर या दुकानदाराने जाहीरपणे माफी देखील मागितली आहे. मात्र गिरवागच्या मराठीबहुल परिसरात अशा प्रकारे मारवाडी व्यापऱ्यांकडून मारवाडीत बोलण्यासाठी दादागिरी केली गेल्याने संताप व्यक्त केला जात आहे.

Edited By Rakhi Rajput