Diljit Dosanjh: एमी अवॉर्ड्स 2025मध्ये दिलजीत दोसांझची एन्ट्री; 'अमर सिंग चमकीला'साठी मिळालं सर्वोत्कृष्ट अभिनेत्याचं नामांकन

Diljit Dosanjh: पंजाबी गायक आणि अभिनेता दिलजीत दोसांझ सध्या चर्चेत आहे. २०२५ च्या आंतरराष्ट्रीय एमी पुरस्कारांमध्ये त्याला सर्वोत्कृष्ट अभिनेत्यासाठी नामांकन मिळाले आहे. हे नामांकन त्याच्या नेटफ्लिक्स चित्रपट "अमर सिंह चमकिला" साठी मिळालं आहे. परिणीती चोप्रा अभिनीत या चित्रपटात दिलजीतने पंजाबी गायक चमकिलाची भूमिका साकारली होती.

"अमर सिंह चमकिला" हा चित्रपट इम्तियाज अलीने दिग्दर्शित केला आहे. यात पंजाबमधील दलित चमकिलाचा संगीत आयकॉन बनण्यापर्यंतचा प्रवास दाखवण्यात आला आहे. तो त्याच्या वादग्रस्त गाण्यांसाठी ओळखला जात होता. त्याची गोळ्या घालून हत्या करण्यात आली. त्याच्या पत्नीचीही गोळ्या घालून हत्या करण्यात आली. त्यावेळी चमकिला फक्त २७ वर्षांचा होता. हा चित्रपट १२ एप्रिल २०२४ रोजी नेटफ्लिक्सवर प्रदर्शित झाला.

ए.आर. रहमान यांनी दिलं संगीत

दिलजीत दोसांझ यांनी अमरजीत चमकिलाची भूमिका केली होती आणि परिणीती चोप्राने त्यांची पत्नी अमरजोतची भूमिका साकारली होती. या चित्रपटासाठी ए.आर. रहमान यांनी संगीत दिलं आहे. या चित्रपटातील विदा करो हे गाणं विशेष गाजलं.

दिलजीत 'सरदार जी ३' मध्ये दिसला होता

दिलजीत अमर हुंडल यांच्या 'सरदार जी ३' मध्ये दिसला होता. यामध्ये नीरू बाजवा, गुलशन ग्रोव्हर आणि सपना पब्बी यांनीही काम केलं आहे. हा चित्रपट २७ जून रोजी परदेशात प्रदर्शित झाला होता. पाकिस्तानी अभिनेत्री हानिया आमिरच्या रोलमुळे हा चित्रपट भारतात प्रदर्शित होऊ शकला नाही. यासह दिलजीत लवकरच 'बॉर्डर' च्या सिक्वेलमध्ये झळकणार आहे.