आमदार शिंदे यांच्या वक्तव्यानंतर मोहिते आणि शिंदे यांच्यातील गेल्या पंधरा वर्षानंतरचा राजकीय संघर्ष मिटण्याची शक्यता निर्माण झाली आहे. माढ्याची उमेदवारी 'तुतारी'कडून मिळवण्यासाठी प्रसंगी मोहिते पाटील यांच्याशी जुळवून घेऊ, असे सूचक वक्तव्य अजित पवार गटाचे आमदार बबनराव शिंदे यांनी केल्याने आता त्यांच्यातील वाद मिटणार का? असा प्रश्न उपस्थित होत आहे. दरम्यान, 24 ऑक्टोबर रोजी रणजीत शिंदे हे अपक्ष उमेदवारी अर्ज दाखल करणार असल्याचे आमदार बबन शिंदे यांनी सांगितलं आहे.

आमदार बबनराव शिंदे उद्या पुन्हा शरद पवार आणि जयंत पाटील यांची मुंबईमध्ये भेट घेणार आहेत. यावेळी त्यांनी माध्यमांशी बोलताना उमेदवारी मिळाली, तर राजकीय विरोधक मोहिते पाटील कुटुंबाशी जुळवून सोलापूर जिल्ह्यात काम करू, असे वक्तव्य केलं आहे. आम्हाला तुमच्या पक्षाकडून उभ रहायचं आहे. लोकांचे प्रश्न सोडवण्यासाठी अजित पवारांसोबत गेलो होतो. या निवडणुकीमध्ये महायुतीकडून निवडणूक न लढवता शरद पवारांच्या पक्षाकडून निवडणूक लढवण्याचा विचार केला आहे. शरद पवारांनी उमेदवारी दिली तर ठीक नाहीतर माझा मुलगा रणजीतसिंह शिंदे हा अपक्ष म्हणून निवडणुकीच्या रिंगणात असेल, असेही आमदार शिंदे यांनी आज स्पष्ट केले. मोहिते-शिंदे यांच्यातील पंधरा वर्षाचा राजकीय वाद मिटणार? आमदार शिंदेंच्या 'त्या' सूचक वक्तव्याने चर्चेला उधाण आमदार बबनराव शिंदे उद्या पुन्हा शरद पवार आणि जयंत पाटील यांची मुंबईमध्ये भेट घेणार आहेत.

Edited By Rakhi Rajput