मीरा-भाईंदरमध्ये भाजपला मोठा धक्का बसला आहे. पक्षातील अनेक मराठी कार्यकर्ते आणि पदाधिकाऱ्यांनी थेट मनसेचा झेंडा हाती घेतला आहे. या पदाधिकाऱ्यांचा आरोप आहे की, भाजप आता मराठी हितांपासून दूर जात असून, मराठी भाषेच्या सक्तीविरोधात अमराठी व्यापाऱ्यांनी काढलेल्या मोर्चाला भाजपकडून पाठबळ मिळालं.

भाजपच्या काही स्थानिक नेत्यांनी राजकीय फायद्यासाठीच अमराठी व्यापाऱ्यांना मोर्चा काढायला प्रवृत्त केलं, असा थेट आरोप या कार्यकर्त्यांनी केला आहे. त्यामुळे नाराज मराठी कार्यकर्त्यांनी मनसेचा हात धरत 'मराठीसाठी झगडणाऱ्या पक्षाचं हेच खरं स्थान' असल्याचं ठामपणे सांगितलं आहे. या घडामोडींमुळे मीरा-भाईंदरमधील भाजपमध्ये अस्वस्थता निर्माण झाली आहे, तर आगामी स्थानिक निवडणुकांमध्ये याचे पडसाद उमटण्याची शक्यता व्यक्त होत आहे.