Jaykumar Gore on Ram Satpute Latest News : भाजपचे माजी आमदार राम सातपुते (former BJP MLA Ram Satpute) यांच्या हत्येचा कट रचला गेल्याचा खळबळजनक दावा राज्याचे मंत्री जयकुमार गोरे यांनी केला आहे. शरद पवारांच्या राष्ट्रवादीचे खासदार धैर्यशील मोहिते पाटील (MP Dhairyasheel Mohite Patil) यांच्यावर निशाणा साधताना गोरे (Minister Jaykumar Gore) यांनी हे गंभीर आरोप केले आहेत.

गोरे म्हणाले की, 'आमचे माजी आमदार राम सातपुते यांच्यावर हल्ला करण्याचा प्रयत्न झाला आणि त्यांच्या खुणाचाही कट करण्यात आला होता, अशी माहिती पोलीस तपासात पुढे येत आहे.' भारतीय जनता पक्षाने गावागावात घेतलेल्या सभांनंतर कार्यकर्त्यांना दमबाजी करण्यात आली आणि त्यातूनच हा प्रकार घडल्याचे त्यांनी नमूद केले. या आरोपांमुळे राजकीय वर्तुळात मोठी खळबळ उडाली असून, या कटामागे नेमका कोणाचा हात आहे हे पोलीस तपासात लवकरच स्पष्ट होईल, असा विश्वासही त्यांनी व्यक्त केला आहे. या प्रकरणाच्या सखोल चौकशीची मागणी आता जोर धरू लागली आहे.