रायगड जिल्ह्यातील रोहा शहरात उभारलेल्या चिंतमण देशमुख सभागृहाचे लोकार्पण वादाच्या भोवऱ्यात सापडण्याची चिन्ह आहेत. या लोकार्पण सोहळ्याच्या निमंत्रण पत्रिकेतुन मंत्री भरत गोगावले यांचा नामोल्लेख टाळल्याने गोगावले यांनी नाराजी व्यक्त केली आहे. आज या कार्यक्रमाला उपमुख्यमंत्री अजित पवार उपस्थित राहणार आहेत. या कार्यक्रम पत्रिकेत मंत्री भरत गोगावले यांचा नामोल्लेख टाळल्या प्रकरणी गोगावले यांनी नाराजी व्यक्त केली असून आपण रोहा नगर पालिकेच्या मुख्याधिकारी यांच्या विरोधात हक्कभंग आणणार असल्याचे गोगावले म्हणाले आहेत. हा कार्यक्रम शासकिय असल्याचे सांगताना आम्ही कार्यक्रम करताना सर्वांची नाव टाकतो, या पुढे आम्ही बघू असं देखील गोगावले म्हणाले.