मालेगावमध्ये माजी महापौर आणि MIM चे नेते अब्दुल मलिक युनूस ईसा यांच्यावर गोळीबार झाला आहे. अज्ञात हल्लेखोरांनी ईसा यांच्यावर तीन गोळ्या झाडल्या आणि पसार झाले आहेत. रात्री १२ ते १ च्या सुमारास अब्दुल हे मुंबई आग्रा महामार्गावरील एका हॉटेलमध्ये चहा प्यायला बसले होते. तेव्हा दुचाकीवर आलेल्या तिघांनी गोळ्या घातल्या. या हल्ल्यात अब्दुल गंभीर जखमी झाले आहेत. अब्दुल यांच्या हाताला, पायाला आणि बरगड्यांवर गोळी लागली आहे. त्यांना नाशिकमध्ये एका रुग्णालयात दाखल करण्यात आले आहे.