अमेरिकेचे राष्ट्रपती डोनाल्ड ट्रम्प यांच्या विरोधात देशभरात अभूतपूर्व जनआंदोलन उसळलं आहे. ‘नो किंग्स प्रोटेस्ट’ या नावाने झालेल्या या आंदोलनात तब्बल 70 लाख नागरिकांनी सहभाग नोंदवला असून, देशातील 2 हजार 600 हून अधिक ठिकाणी रॅलीचं आयोजन करण्यात आलं होतं. आंदोलनकर्त्यांनी ट्रम्प प्रशासनावर हुकुमशाहीकडे वाटचाल केल्याचा आरोप केला आहे. वॉशिंग्टन डी.सी. न्यूयॉर्कसारख्या प्रमुख शहरांपासून ते मध्यपश्चिमेतील छोट्या शहरांपर्यंत सर्व 50 राज्यांमध्ये आंदोलनाची लाट उसळली आहे.

या आंदोलनाद्वारे नागरिकांनी “लोकशाही वाचवा” असा नारा देत, आगामी निवडणुकांमध्ये लोकशाही मूल्यांची जपणूक करण्याचं आवाहन केलं आहे.