मुंबई क्रिकेट असोसिएशनच्या (MCA) निवडणुकीच्या पार्श्वभूमीवर राजकीय वातावरण तापले आहे. शिवसेनेचे (UBT) नेते आणि आमदार मिलिंद नार्वेकर यांनी त्यांच्या प्रचार मोहिमेत मुख्यमंत्री देवेंद्र फडणवीस यांच्यासोबतचा फोटो वापरल्याने मोठी चर्चा सुरू झाली आहे. नार्वेकरांनी मतदारांसाठी प्रसारित केलेल्या डिजिटल बॅनरवर फडणवीसांसोबतचा फोटो वापरल्यामुळे राजकीय वर्तुळात अनेकांच्या भुवया उंचावल्या आहेत. या फोटोमुळे शिंदे गट आणि भाजपमधील संबंधांवर तर्कवितर्क लढवले जात असून, क्रिकेटच्या मैदानावर रंगणाऱ्या या निवडणुकीला राजकीय रंग चढला आहे. या निवडणुकीत नार्वेकरांव्यतिरिक्त भाजपचे प्रसाद लाड आणि राष्ट्रवादीचे जितेंद्र आव्हाड असे अनेक राजकीय नेतेही रिंगणात आहेत.