वर्षा गायकवाड दलित असल्यामुळे त्यांना मुंबईतून उमेदवारी देऊ नका. असा खळबळजनक गौप्यस्फोट मिलिंद देवरा यांनी केलाय. कॉंग्रेसमधून शिंदे गटात गेलेल्या मिलिंद देवरा यांच्या या आरोपामुळे राजकीय वर्तूळात एकच खळबळ उडालीये. कॉंग्रेस आणि ठाकरे गट दलितविरोधी असल्याचा त्यांचा रोख होता. वर्षा गायकवाड दलित आहेत. म्हणून त्यांना मुंबईतून उमेदवारी देऊ नका, असा सल्ला उद्धव ठाकरेंनी कॉंग्रेसला दिल्याचं यावेळी मिलिंद देवरा यांनी सांगितलं. मिलिंद देवरांच्या या दाव्यामुळे महाविकास आघाडीत एकच खळबळ उडाल्याचं पहायला मिळालं. मिलिंद देवरांच्या दाव्यात किती तथ्य आहे? यावरुन तर्क-वितर्कांना उधाण आलंय.