एमएचटी CET ही महाराष्ट्र शासनाच्या राज्य सामाईक प्रवेश परीक्षा कक्षामार्फत दरवर्षी घेतली जाणारी एक महत्त्वाची प्रवेश परीक्षा आहे. ही परीक्षा मुख्यतः अभियांत्रिकी (Engineering), फार्मसी (Pharmacy), कृषी (Agriculture) यांसारख्या व्यावसायिक पदवी अभ्यासक्रमांमध्ये प्रवेश घेण्यासाठी घेतली जाते.

यावर्षीचा राज्यातील व्यावसायिक अभ्यासक्रमांसाठी घेतलेल्या ‘एमएचटी सीईटी’ (PCM) परीक्षेचा निकाल जाहीर करण्यात आला आहे. राज्यातील जवळपास ४,२२,६६३ विद्यार्थ्यांनी ही परीक्षा दिलेली होती. विशेष म्हणजे यामध्ये २२ विद्यार्थ्यांनी १०० पर्सेंटाईल गुण मिळवून उल्लेखनीय यश संपादक केले आहे. ही परीक्षा १९ ते २७ एप्रिल दरम्यान राज्यातील २०७ आणि राज्याबाहेरील १७ केंद्रांवर पार पडली होती.या परीक्षेच्या आधारे परीक्षेचा अभियांत्रिकी, फार्मसी आणि कृषी अभ्यासक्रमांमध्ये प्रवेश प्रक्रिया राबवली जाणार आहे.