पावसाळा सुरु होताच नागरिकांची पावले गड-किल्ले, धबधबे, डोगराळ भागाच्या दिशेने वळताना दिसतात. मुंबई आणि पुण्यासारख्या मोठ्या शहरांपासून जवळच असलेले माथेरान हे पर्यटकांचे अत्यंत आवडते ठिकाण ठरत आहे. निसर्गसौंदर्य, हिरवाई, धुके आणि आल्हाददायक हवामानामुळे माथेरान हे पावसाळी पर्यटनासाठी सर्वोत्तम पर्याय मानलं जाते.

विकेंडच्या सुटीचा आनंद घेण्यासाठी अवघ्या दोन दिवसांत माथेरानमध्ये तब्बल ५० हजारांहून अधिक पर्यटकांनी हजेरी लावली आहे. राज्यभरातून मोठ्या संख्येनं पर्यटक माथेरानात येतो आणि निसर्गाचा आस्वाद घेत असतो. शनिवार आणि रविवारच्या दिवशी येथे पर्यटकांची मोठी गर्दी पाहायला मिळाली. हॉटेल्स, लॉजिंग्स आणि स्थानिक व्यवसायांनाही या गर्दीचा मोठा फायदा झाल्याचं स्पष्ट होत आहे. माथेरानमध्ये पर्यटकांची वाढती संख्या पाहता स्थानिक प्रशासनाने सुरक्षेच्या दृष्टिकोनातून आवश्यक त्या उपाययोजना केल्या आहेत.