दिवाळी आणि सलगच्या सु्टीमुळे देशाभरातून लाखो भाविक आणि पर्यटकांची मोठी गर्दी शेगावात बघायला मिळत आहे. शेगावातील रस्त्या रस्त्यावर देशभरातून आलेल्या भाविकांनी पर्यटकांची गर्दी फुलून दिसत आहे. राज्यभरातूनच नव्हे तर देशभरातून राजस्थान, कर्नाटक, छत्तीसगड, मध्यप्रदेश आणि गुजरात राज्यातून भाविक मोठ्या प्रमाणात शेगाव शहरात संत गजानन महाराजांच्या दर्शनाला दाखल होत आहे. शेगाव शहरातील सर्व गेस्ट हाऊस आणि भक्तनिवास हाउसफुल झालं असून पुढील आठवडाभर शेगाव शहरात मोठी गर्दी असणार आहे.