छत्रपती संभाजीनगरमध्ये आजपासून शहरांमध्ये येणाऱ्या मुख्य रस्त्यावरची सगळी अतिक्रमणा हटवली जाणार आहेत. त्यासाठी महानगरपालिकेने मोठी तयारी केलेली आहे. साडेतीनशेहून अधिक कर्मचारी, 200 पेक्षा जास्त पोलीस कर्मचारी अधिकारी, २० पेक्षा अधिक जेसीबी, पोकलेन, हायावा, ट्रक्स, ॲम्बुलन्स, अग्निशमन दलाची वाहने, कोंडवाडे असा मोठा फौजफाटा महापालिकेने तैनात केला आहे. अतिक्रमण हटवा मोहिमेला सुरुवात झाली असून आज मुकुंदवाडी ते केम्ब्रिजपर्यंत व्यावसायिक मालमत्ता पाडणार आहे. पैठण रोड, नाशिक रोड, जळगाव रोड, बीड बायपास रोड वरील अतिक्रमणे हटवली जाणार आहेत. ६० मीटर रुंदीच्या आत येणाऱ्या मालमत्ता पाडण्यात येतील. निवासी मालमत्तांना १५ ऑगस्टपर्यंत पालिका हात लावणार नाही.