मराठा आरक्षणाचा सरकारने आध्यादेश काढल्यानंतर आता ओबीसी नेते आक्रमक झाल्याचे पाहायला मिळत आहे. मनोज जरांगे गेल्या 2 वर्षांपासून मराठा समाजाला ओबीसीमधून आरक्षण मिळावे याची मागणी करत होते. त्यानंतर त्यांनी पांच दिवस मुंबई येथे आझाद मैदानावर उपोषण करत हैद्राबाद गॅझेटीयरनुसार मराठवाडामध्ये कुणबी प्रमाणपत्र देण्याची मागणी केली होती. ही मागणी सरकारने मान्य करत अध्यादेश काढला. यानंतर आता ओबीसी नेते लक्ष्मण हाके यांनी आज बारामतीमधून मोर्चाला सुरुवात केली आणि या जीआरचा जोरदार निषेध केला. चुलीत घाला तो जीआर असा आक्रमक पवित्रा आता हाके यांनी घेतलाय.