छत्रपती संभाजीनगर : कुणबी प्रमाणपत्र समितीच्या बैठकीचं मनोज जरांगे यांना निमंत्रण पाठवण्यात आलंय. विभागीय आयुक्त कार्यालयात आज ११ वाजता बैठक होणार आहे. विभागातील सर्व जिल्हाधिकारी बैठकीला ऑनलाइन हजर असतील. बैठकीसाठी मराठा आरक्षण नेते मनोज जरांगे पाटील आणि शिष्टमंडळाला प्रशासनाने निमंत्रित केले..नेमके कोणते निर्णय घेण्यात येणार, याकडे लक्ष लागलंय.

कुणबी प्रमाणपत्र संशोधन समितीचे अध्यक्ष सेवानिवृत्त न्या. संदीप शिंदे यांच्या अध्यक्षते खालील समितीची आज विभागीय आयुक्तालयात बैठक होणार आहे. पुढच्या आठवड्यापासून जरांगे आरक्षण मागणीसाठी आंदोलन करणार आहेत. आंदोलनासाठी त्यांचे सध्या जिल्हा दौरे सुरू आहेत. त्या पार्श्वभूमीवर जरांगे व शिष्टमंडळाने प्रशासनाचे निमंत्रण स्वीकारून आयुक्तालयात बैठकीला हजेरी लावल्यास नेमके कोणके निर्णय घेण्यात येणार, याकडे लक्ष लागलेय. शिंदे समितीने छत्रपती संभाजीनगर, बीड जिल्ह्यांत तहसीलनिहाय अभिलेखांची गेल्या २ दिवसांत माहिती घेऊन तहसील व भूमी अभिलेख कार्यालयातील जुन्या अभिलेखांची पडताळणी केली.