मनोज जरांगे यांच्या मराठा आंदोलनाला अखेर यश मिळाल असून मराठा उपसमितीने हैदराबाद गॅझेट मान्य असल्याचे सांगितले. त्यानुसार गावातील, नात्यातील, कुळातील लोकांना चौकशी करून कुणबी प्रमाणपत्र देणार असल्याचे उपसमितीने मनोज जरांगे यांच्यासमोर मान्य केले.

मागच्या चार दिवसांपासून मुंबईमध्ये मराठा समाजाचा आंदोलन सुरू आहे. महाराष्ट्राचा कानकोपऱ्यातून लाखोंच्या संख्येने मराठा बांधव हा मुंबईत धडकला होता. यानंतर सरकारकडून जोरदार हालचाली सुरू झाल्या आणि आज अखेर मंत्री राधाकृष्ण विखेपाटील, शिवेंद्रराजे भोसले, माणिकराव कोकाटे आणि अन्य समितीचे नेते आझाद मैदान येथे भेटायला गेले आणि एक तासाभरात हैद्राबाद गॅझेटीयर लागू करणार असे आश्वासन दिली. तसेच सातारा गॅझेटीयरसाठी 15 दिवस वेळ द्या असे शिवेंद्रराजे म्हणाले, त्यावेळी जरांगे म्हणाले राजे तुमचा शब्द आमच्यासाठी अंतिम आहे. आम्ही तुम्हाला एक महिना वेळ देतो असे मनोज जरांगे म्हणाले.