Manasvi Choudhary
श्रावण महिना म्हटलं की उपवासाचे पदार्थासोबत चमचमीत पदार्थ बनवले जातात. श्रावण आणि अळुवडी हे समीकरण ठरलेलं आहे.
श्रावणात एकदा तरी घरी अळुवडी बनवली जाते. तुम्हालाही अळुवडी बनवायची असेल तर ही युनिक रेसिपी ट्राय करा.
मालवणी स्टाईल अळुची वडी घरी बनवण्याची रेसिपी अत्यंत सोपी आहे तुम्ही घरीच सोप्या पद्धतीने ही रेसिपी ट्राय करू शकता.
अळुवडी बनवण्यासाठी अळुची पाने, बेसन, तांदूळ, चिंच, गूळ, मालवणी मसाला, तिखट मसाला, मिरची लसूण पेस्ट, कांदा, कोथिंबीर हे साहित्य एकत्र घ्या.
सर्वातआधी अळूची पाने स्वच्छ धुऊन त्याची देठं काढून जाड शिरा कापून घ्या. नंतर त्या शिरावर लाटणे फिरवून घ्या.
एका बाऊलमध्ये बेसन, तांदळाचे पीठ, धने जीरे पूड, तिखट, मीठ, हिंग, हळद, तीळ, कोथिंबीर, मिरची व लसणाची पेस्ट सर्व साहित्य घालून मिक्स करा.
या मिश्रणात चिंच व गूळ मिक्स करून घ्या मिश्रणात थोडे पाणी मिक्स करा.
आळुचे पान घ्या पानावर बॅटर थोडे पसरवून घ्या. मग त्यावर दुसरे पान उलट बाजूला टोक करून ठेवा व त्यावर परत बॅटर पसरवून घ्या. असे चार पाने एकावर एक ठेवून बॅटर लावून घेतले.
नंतर दोन्ही साईड ने थोडे फोल्ड करून त्यावर थोडे बॅटर लावा. नंतर खालची व वरची बाजू थोडी फोल्ड करून त्यावर बॅटर पसरवा.
आता त्याचा घट्ट रोल तयार करून त्याला दोरा गुंडाळून घ्या म्हणजे रोल सुटत नाही. आणि १०-१२ मिनिट तो इडलीच्या भांड्यात वाफवून घ्या.
वाफवलेला रोल थंड झाल्यावर त्याचा धागा सोडून त्याचे छोटे तुकडे करा. नंतर कढईत वड्या तळून घ्या.