बदलापूर पालिकेत मराठा समाजाच्या कार्यकर्त्यांनी राडा घातला आहे. शिवरायांच्या पुतळ्याच्या उभरणीमध्ये भ्रष्टाचार केला असल्याचा आरोप यावेळी करण्यात आला आहे. यावेळी बांधकाम विभागाला नोटांचं तोरण लावून निषेध करण्यात आला.

मराठा समाजाच्या कार्यकर्त्यांनी मंगळवारी बदलापूर पालिकेत राडा घातल्याची घटना घडली आहे. शिवरायांचा पुतळा उभारणीत बदलापूर पालिकेच्या बांधकाम विभागाने भ्रष्टाचार केला असल्याचा आरोप मराठा समाजाकडून करण्यात आला आहे. त्यानंतर संतप्त मराठा कार्यकर्त्यांनी थेट बादलापूरच्या पालिकेत जाऊन राडा केला. यावेळी बांधकाम विभागाच्या दाराला पैशांच्या नोटांचं तोरण बांधण्यात आलं. त्याचबरोबर अधिकाऱ्यांच्या दालनात देखील नोटा फेकण्यात आल्या आहेत. मात्र पोलिसांनी अडवल्यानंतर आणि समजूत काढल्यानंतर कार्यकर्ते काहीसे शांत झालेले दिसले.