Shruti Vilas Kadam
दिवसभरातून अनेक वेळा चेहरा धुतल्याने त्वचेतील नैसर्गिक तेल कमी होऊ शकते. त्यामुळे त्वचा कोरडी आणि संवेदनशील होण्याची शक्यता असते.ृ
दिवसभर चेहऱ्यावर असलेला मेकअप रात्री झोपण्यापूर्वी व्यवस्थित काढणे गरजेचे आहे. मेकअप न काढता झोपल्यास त्वचेची छिद्रे बंद होऊ शकतात.
घरातून बाहेर पडताना सनस्क्रीन लावणे महत्त्वाचे आहे. सूर्याच्या अतिनील किरणांपासून त्वचेचे संरक्षण करण्यासाठी आपल्या त्वचेला योग्य SPF असलेले सनस्क्रीन वापरा.
वारंवार चेहऱ्याला हात लावल्याने हातावरील धूळ आणि बॅक्टेरिया त्वचेवर जाऊ शकतात. त्यामुळे विशेषतः पिंपल्स असतील तर चेहऱ्याला हात लावणे टाळा.
मृत त्वचा काढण्यासाठी एक्सफोलिएशन उपयुक्त ठरू शकते; मात्र वारंवार स्क्रब केल्याने त्वचेवर जळजळ, लालसरपणा किंवा कोरडेपणा निर्माण होऊ शकतो.
प्रत्येकाची त्वचा वेगळी असते. त्यामुळे दुसऱ्याला फायदेशीर ठरणारे उत्पादन आपल्या त्वचेलाही योग्य असेलच असे नाही. त्वचेच्या प्रकारानुसार स्किनकेअर उत्पादने निवडा.
त्वचा तेलकट असली तरी मॉइश्चरायझरची गरज असते. त्वचेला योग्य हायड्रेशन मिळण्यासाठी आपल्या त्वचेच्या प्रकाराला अनुरूप मॉइश्चरायझर वापरणे महत्त्वाचे आहे.