मराठा आरक्षणाचे नेते मनोज जरांगे पाटील यांनी 'साम टीव्ही'ला दिलेल्या या विशेष मुलाखतीत मराठा समाज आता दिल्लीत धडकणार असल्याची मोठी घोषणा केली आहे. 'राज्यातला मराठा एकत्र आला, आता देशातला मराठा एकत्र येतोय, असे सांगत त्यांनी हरियाणा, मध्यप्रदेश, राजस्थान, उत्तरप्रदेश आणि दिल्लीतील मराठ्यांना एकत्र आणण्यासाठी अधिवेशन घेणार असल्याचे स्पष्ट केले.

यावेळी त्यांनी मंत्री धनंजय मुंडे यांच्यावर आपल्या हत्येचा कट रचल्याचा आणि अडीच कोटींची सुपारी दिल्याचा खळबळजनक आरोप केला. तसेच, मुख्यमंत्री देवेंद्र फडणवीस आणि उपमुख्यमंत्री अजित पवार आरोपींना पाठीशी घालत असल्याचा दावाही त्यांनी केला. सारथी योजना आणि मराठा महामंडळाच्या कारभारावरून त्यांनी सरकारवर सडकून टीका केली. मागण्या मान्य न झाल्यास याचे परिणाम २०२९ ला सरकारला भोगावे लागणार असा थेट इशाराही जरांगे पाटील यांनी सरकारला दिला आहे.