मराठा आंदोलक मनोज जरांगे यांचा आज एक हटके लूक पाहायला मिळाला. दिवाळीच्या निमित्ताने सकाळपासूनच अनेक लोक त्यांना भेटायला आले होते. याचवेळी भीष्मा चव्हाण या व्यक्तीने जरांगे यांच्यासाठी घोडा आणला होता. मनोज जरांगे यांनी घोड्यावर बसत सरपंचच्या शेतात फेरफटका मारला आणि घोडेस्वारीचा आनंद देखील घेतला. डोळ्यांवर काळा गॉगल लावून माजी मंत्री धनंजय मुंडे यांना डिवचले.

काल बीडमध्ये ओबीसी एल्गार मेळावा पार पडला. या मेळाव्यात धनंजय मुंडे यांनी माझा चष्मा आवडत असेल तर घेऊन जा,ओपन की नाही माहित नाही असं म्हणत नाव न घेता जरांगे पाटलांवरती टीका केली होती. यावरच आज जरांगे यांनी मुंडे यांना डिवचले आहे.