बीडच्या मस्साजोगचे सरपंच दिवंगत संतोष देशमुख यांच्या निर्घृण हत्येला आज एक वर्ष पूर्ण झाल. या हत्येने संपूर्ण महाराष्ट्र हा सुन्न झाला आणि लोकांमध्ये आज ही संतापाची लाट आहे. संतोष देशमुखांच्या पुण्यतिथि कार्यक्रमाप्रसंगी मराठा आंदोलक मनोज जरांगे पाटील यांनी माजी मंत्री धनंजय मुंडेवर जोरदार हल्लाबोल केला. जरांगे पाटील म्हणाले, सरळ नाव घ्यायचे तर डाव टाकतोय ते म्हणजे धनंजय मुंडे. कोणतेही नियम तोडून कधी युद्ध झाले नाही. देवाच्याकाळात देखील सूर्य मावळल्यावर युद्ध थांबायचे. त्यावेळी राक्षससुद्धा नियम पाळायचा. ही पैदासाच नेमकी कोणाची? राक्षसाची सुद्धा नसावी. वेगळीच कोणाची तरी असावी एखाद्याचे घर जरी उजाडल. एखाद्याच्या घरी एवढे मोठे संकट आले. तरी ही तुम्ही त्या भाषेत बोलत असाल तर आम्ही मराठी एवढे कमजोर आणि कच्चे नाहीये, फक्त आम्ही संयमाने घेतो आहे. त्याचा गैरफायदा तू घेऊ नको असा एकेरी शब्दात मनोज जरांगेंनी धनंजय मुंडेंवर हल्लाबोल केला.