जालना : चार जूनला लोकसभा निवडणुकीचा निकाल लागणार आहे. याच दिवसापासून मनोज जरांगे पाटील पुन्हा उपोषण सुरू करणार आहेत. आंतरवाली सराटीत जरांगे पाटील उपोषण करणार आहेत. मराठा आरक्षणात सगे सोयऱ्याच्या अंमलबजावणीसाठी हे उपोषण असणार आहे. गेल्या १० महिन्यातील जरांगे पाटील यांचे हे चौथे उपोषण आहे. लोकसभा निवडणुकीच्या वेळीच जरांगे पाटील यांनी उपोषणाची घोषणा केली होती. उपोषणाच्या ठिकाणी दररोज रात्री कीर्तन होणार आहे. त्यामुळे राज्यभरातील कीर्तनकारही आंतरवाली सराटीत येणार आहेत.