परवानगी नाकारल्यानंतरही मनोज जरांगे पाटील हे उपोषण करणाऱ्यावर ठाम आहेत. आज मनोज जरांगे पाटील हे अंतरवाली सराटीत उपोषण करणार आहेत. पण त्यांच्या या उपोषणाला पोलिसांनी परवानगी नाकारली आहे. अंतरवालीच्या ग्रामस्थांनी जिल्हाधिकाऱ्यांकडे त्यासंदर्भात निवेदन दिलं होतं. विद्यार्थ्यांना होणारा त्रास आणि ग्रामपंचायतीच्या कामात होणारा अडथळा लक्षात घेता परवानगी नाकारण्यात आली आहे.