मराठा आंदोलक मनोज जरांगे यांनी मुंबई येथील आझाद मैदानावर आमरण उपोषण करायला सुरुवात केली आहे. तसेच जो पर्यंत आरक्षण मिळणार नाही तो पर्यंत येथून हालणार नाही असा ठाम निर्धार जरांगे पाटील यांनी केला असून ते म्हणाले, आमची सरकारला एकच विनंती आहे. मराठा आणि कुणबी एक आहे असा जीआर काढा. हैदराबाद गॅझीटीयर लागू करून त्याची अमलबजावणी करा. सातारा संस्थेच गॅझेटीयरसुद्धा लागू करून त्याची अंमलबजावणी आम्हाला तात्काळ पाहिजे. या सगळ्या मागण्या मान्य होईपर्यंत आम्ही मुंबई सोडणार नाही असा इशाराही मनोज जरांगे यांनी सरकारला दिला आहे.