महायुती सरकारमधील मंत्री माणिकराव कोकाटे यांच्याविरोधात अटक वॉरंट निघाले आहे. त्यांना कोणत्याही क्षणी अटक होण्याची शक्यता आहे. मात्र, कोकाटे हे सध्या रुग्णालयात दाखल असून, उपचार घेत असल्याची माहिती समजते. शरण येण्यासाठी कोकाटे यांनी ४ दिवसांचा वेळ मागितला आहे.
१९९५ मधील एका भ्रष्टाचार प्रकरणात कोकाटे यांना कोर्टानं दोषी ठरवलं होतं. त्यांना २ वर्षांची शिक्षा सुनावण्यात आली होती. त्यामुळे त्यांना कोणत्याही क्षणी अटक होण्याची शक्यता व्यक्त केली जात होती. आता त्यांच्याविरोधात कोर्टाने अटक वॉरंट जारी केलं आहे. सध्या माणिकराव कोकाटे हे रुग्णालयात दाखल असून, उपचार घेत असल्याची माहिती समजते.
नाशिकच्या प्रथम वर्ग न्यायालयात युक्तिवाद सुरू होता. कोकाटेंच्या वतीने वकील मनोज पिंगळे यांनी न्यायालयासमोर युक्तिवाद केला. कोकाटे हे मंत्रिपदावर आहेत. सध्या ते सरकारी रुग्णालयात उपचार घेत आहेत. त्यामुळे अटक वॉरंट काढण्याऐवजी त्यांना सरेंडर होण्यासाठी चार दिवसांचा वेळ द्यावा, असं वकिलांनी न्यायालयात सांगितलं. न्यायालयाचा या युक्तिवादावर समाधान झाले नाही. त्यानंतर न्यायालयानं त्याच्याविरोधात अटक वॉरंट जारी केले आहे. त्यांना कोणत्याही क्षणी अटक होण्याची शक्यता आहे, असे सांगितले जाते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.