मुंबई- पुणे एक्स्प्रेस वेवरील कुसगाव येथील मिंसिंग लिंकजवळील पुलाच्या रंगरगोटी आणि डागडूजीच्या कामामुळे मुंबई- पुणे एक्स्प्रेस वेवरील मुंबईकडे जाणारी वाहतूक ३ तासांकरीता बंद ठेवण्यात आली आहे. कामादरम्यान अनुचीत प्रकार टाळण्यासाठी महामार्ग पोलिस तसेच MSRDC यांनी हे खबरदारीचा पाऊल उचललं आहे. दरम्यानच्या काळात प्रवाशांना मुंबईच्या दिशेने प्रवासासाठी कुठलीही अडचण होऊ नये म्हणून जुन्या मुंबई- पुणे महामार्गाने वाहतूक ड्रायव्हर्ट करण्यात आलेली आहे.

एक्सप्रेस वेवरील ९४ किलोमीटर किवळे चौक या ठिकाणी महामार्ग बंद करण्यात आला असून प्रवाशांना पुढे देहू रोड तळेगाव कामशेत लोणावळा मार्गे मुंबईचा प्रवास करता येणार असल्याचे प्रशासनाकडून सांगण्यात आले आहे. उद्या मात्र मुंबईहून पुण्याकडे जाणारी वाहतूक एक्सप्रेस वेवर लोणावळा या ठिकाणी थांबवून ती पुढे जुन्या मुंबई- पुणे महामार्गाने कार्ला ,कामशेत वडगाव ,देहूरोडच्या दिशेने पुढे पुण्याकडे मार्गस्थ करण्यात येणार आहे.