2027 च्या कुंभमेळ्याच्या पार्श्वभूमीवर नाशिक आणि त्र्यंबकेश्वरला जोडणाऱ्या रस्त्यांचे आधुनिकीकरण करण्याच्या नियमनासाठी आज केंद्रीय रस्ते वाहतूक मंत्री नितीन गडकरी यांच्या प्रमुख उपस्थितीत नागपूरमध्ये बैठक पार पडली. या बैठकीस मुख्यमंत्री देवेंद्र फडणवीस आणि इतर प्रमुख उपस्थित होते. यानंतर देवेंद्र फडणवीस यांनी माध्यमांशी संवाद साधत सविस्तर माहिती दिली. कुंभमेळयाच्या अनुषंगाने पंतप्रधान नरेंद्र मोदी यांना रोड नेटवर्क तयार करण्यासाठी मी विनंती केली होती. केंद्रीय मंत्री गडकरी यांनी बैठक घेत आठ रस्ते बनवण्याचा निर्णय घेतला आहे.

या राष्ट्रीय महामार्गांची होणार कामे-

संभाजीनगर ते नाशिक

धुळे ते नाशिक

नागपूर ते नाशिक

गुजरातकडून येणारे रस्ते

पालघर ते नाशिक

अशा सगळ्या रस्त्यांचा उपयोग जो कुंभमेळयासाठी होणार आहे. तसेच काही अंतर्गत रस्त्यांची कामे देखील राष्ट्रीय महामार्गाकडे आहे. या संदर्भात चर्चा झाली असून या सगळ्या रस्त्यांना नितीन गडकरी यांनी मान्यता दिली असून लवकरच निधी दिला जाईल अशी ग्वाही देवेंद्र फडणवीस यांनी दिली. तसेच नाशिकच्या द्वारका सर्कल ययेथे मोठी वाहतूक कोंडी होत असते याबाबत देखील चर्चा झाली असून पहिल्या फेजचे काम हे कुंभमेळयापर्यंत पूर्ण होईल आणि राहिलेले काम कुंभनंतर होईल असे ही फडणवीस म्हणाले.