साताऱ्यातील वाई विधानसभा मतदारसंघात महायुतीला मोठा धक्का बसण्याची शक्यता आहे. एकनाथ शिंदे गटाचे पुरुषोत्तम जाधव हे बंड करण्याच्या तयारीत आहेत. वाई मधून महायुतीचे उमेदवार मकरंद पाटील यांना उमेदवारी जाहीर होताच शिंदे गटाचे पुरुषोत्तम जाधव यांनी थेट शरद पवार यांच्या गटात जाऊन उमेदवारी मागण्याची तयारी सुरू केली असल्याचं सूत्रांनी सांगितलं आहे. दरम्यान, कोणत्याही पक्षाने उमेदवारी दिली नाही तर अपक्ष निवडणूक लढवून जिंकून येईल असा विश्वास तयांनी यावेळी व्यक्त केला आहे. त्यामुळे आता या ठिकाणी महायुतीत ठिणगी पडण्याची शक्यता आहे. पुरुषोत्तम जाधव यांनी बंडखोरी केली तर महायुतीचं टेंशन वाढणार आहे. आता जाधव यांची नाराजी महायुती कशी दूर करणार हे पाहाणं महत्वाचं ठरणार आहे.

Edited By Rakhi Rajput