Mahendra Dalavi Ratnagiri News : रायगडमधील शिंदेंच्या शिवसेनेचे अलिबागचे आमदार महेंद्र दळवी यांच्या मुलीने विधान परिषद निवडणुकीसाठी अपक्ष म्हणून उमेदवारी अर्ज दाखल केला. विधान परिषद निवडणुकीत कोकणाची जागा महायुतीमध्ये कुणाला सुटणार? याची चर्चा सुरू असतानाच जुईली दळवी यांनी विधान परिषदेसाठी उमेदवारी अर्ज दाखल केला.

आम्ही तटकरेंच्या विरोधात आहोत. त्यांनी कायम अन्याय केला आहे. एकनाथ शिंदे साहेब काय बोलतात? तटकरेंना आमचा विरोध आहे, जर अनिकेत तटकरेंना उमेदवारी मिळाली तर त्यांचा आम्ही प्रचार करणार नाही. आम्ही तटस्थ भूमिका घेऊ असा इशारा यावेळी जुईली दळवी यांनी दिला.

तटकरेंनी दिलेला शब्द कधीच पाळत नसल्याचा थेट आरोप यावेळी दळवी यांनी केला. कोणत्याही आमिषाला बळी पडणार नाही, असा ठाम निर्धार यावेळी जुईली दळवी यांनी बोलून दाखवलाय.