यवतमाळ जिल्ह्यातील पांढरकवडा येथे एक धक्कादायक घटना घडली आहे. एका पोस्टमनच्या घरी जवळपास हजारो पत्रे सापडली आहेत. डाक विभागाचा गंभीर निष्काळजीपणा उघडकीस आला आहे. पोस्टमन सतीश धुर्वेने अनेकांची पत्रे त्यांना न देता आपल्या घरीच ठेवली आहेत. पत्र किंवा पार्सल न मिळाल्याच्या तक्रारी अनेक दिवसांपासून येत होते. यामुळे पोस्टमनच्या घराची झडती घेण्यात आली. यावेळी घरातून टपालाने भरलेली तब्बल पत्रांची तीन पोती ताब्यात घेण्यात आली. या प्रकारामुळे नोकरीची कॉल लेटर्स, पेन्शन कागदपत्रे आणि धनादेश अडकले असण्याची शक्यता आहे. याप्रकरणी संबंधित पोस्टमनवर कठोर कारवाईची मागणी होत आहे.