अमोल कलये, रत्नागिरी | साम टीव्ही

Konkan Heatwave : कोकणात उष्णतेची लाट आली असून, रत्नागिरी जिल्ह्यात ऑक्टोबर महिन्यात उन्हाचा प्रचंड तडाखा बसला आहे. सोमवारी येथे ३९.२ अंश सेल्सिअस कमाल तापमानाची नोंद झाली. या तापमानानं गेल्या १४३ वर्षांतील ऑक्टोबर महिन्यातील उच्चांक मोडला आहे. या वाढत्या उन्हामुळे आणि दमट हवामानामुळे नागरिक हैराण झाले आहेत.

सलग दुसऱ्या दिवशीही रत्नागिरीला उष्णतेचा यलो अलर्ट देण्यात आला आहे. उकाड्यात प्रचंड वाढ नोंदवली आहे. यावर्षी तापमान सरासरीपेक्षा ७.६ अंश सेल्सिअसने अधिक आहे. वाढत्या उष्णतेमुळे नागरिकांनी दुपारच्या कडक उन्हात बाहेर जाणं टाळावं. पुरेसं पाणी प्यावं आणि आरोग्याची काळजी घ्यावी, असे आवाहन स्थानिक प्रशासनाकडून करण्यात आले आहे.