महाराष्ट्र सरकारचं गुजरात प्रेम परत एकदा दिसून आलंय. महायुती सरकारवर नेहमी गुजरात प्रेमावरून टीका केली जाते. राज्यातील उद्योग तिकडे जाण्यावरून विरोधक सरकारवर टीका करतात. आता आणखी एक बातमी समोर आलीय. यावरून वाद होण्याची शक्यता आहे.

महाराष्ट्र सरकारने गुजरातच्या साहित्य अकादमी पुरस्कारासाठी लाखो रुपयांचा निधी दिलाय. राज्य सरकारने गुजरातच्या साहित्य पुरस्कारासाठी ७ लाख ७० हजार रुपयांचा निधी दिलाय. त्याबाबतचा शासन आदेशसुद्धा जारी करण्यात आलाय. काही दिवसांपूर्वी राष्ट्रीय स्वयंसेवक संघाचे भैय्याजी जोशी यांनी मराठी भाषेविषयी वादग्रस्त विधान केलं होतं. त्यांच्या वक्तव्यामुळे राज्यात मोठा वाद निर्माण झाला होता. आता सरकारने गुजरात साहित्य अकादमीला निधी देण्याचा आदेश जारी केलाय. त्यामुळे पुन्हा तयार वाद होण्याची शक्यता आहे.