राज्य सहकारी बँकेच्या कर्मचाऱ्यांसाठी यंदाची दिवाळी ही गोड होणार आहे. बँकेच्या ११४ व्या वर्धापन दिनानिमित्त महाराष्ट्र राज्य सहकारी बँकेने कर्मचाऱ्यांसाठी १४ टक्के बोनस जाहीर केला आहे. मागील गेल्या दोन दशकातील हा सर्वोच्च बोनस ठरला असून, कर्मचाऱ्यांमध्ये उत्सहाचे वातावरण निर्माण झाले आहे. बँकेचा निधी ८ हजार ४०० कोटी रुपयांच्या वर गेला असून, आशिया खंडातील सर्वात सक्षम बँक म्हणून राज्य सहकारी बँकेने विशेष नावलौकिक मिळवला आहे. याच पार्श्वभूमीवर प्रशासक विद्याधर अनास्कर यांनी कर्मचाऱ्यांना १४ टक्के बोनस देण्याचा निर्णय घेतला आहे.