मुंबई : बदलापूर बालअत्याचाराच्या घटनेच्या निषेधार्थ महाविकास आघाडीचं आज राज्यभर मूक आंदोलन सुरू आहे. या आंदोलनामध्ये महाविकास आघाडीचे नेते तोडाला काळी पट्टी बाधून सहभागी झाले आहेत. पुण्यात शरद पवार तोंडाला काळा मास्क लावून सहभागी झाले आहे. यावेळी खासदार सुप्रिया सुळे या देखील तोंडाला काळी पट्टी लावून सहभागी झालेल्या आहेत. महाविकास आघाडीची आक्रमक भूमिका पाहायला मिळत आहे.

राज्यभर होत असलेल्या अत्याचाराविरोधात महाविकास आघाडीने निषेध नोंदवलेला आहे. महिला आणि मुलींवरील लैगिंक अत्याचाराच्या घटनांवरून महाविकास आघाडीने विरोधकांना घेरल्याचं दिसत आहे. मुंबईत शिवसेना भवनाबाहेर उद्धव ठाकरे यांच्या नेतृत्वाखाली उद्धव ठाकरे गटाचं आंदोलन होणार आहेत. पुण्यात शरद पवार यांच्या नेतृत्वाखाली महाविकास आघाडीचं मूक आंदोलन सुरू आहे. मातोश्रीसमोर देखील आंदोलन सुरू आहे. या आंदोलनात महिलांचा सहभाग देखील मोठ्या प्रमाणात दिसत आहे.