मुंबई: कॉंग्रेस विधानसभेच्या १३ ते १५ जागा लढवण्याच्या तयारीत असल्याची माहिती साम टीव्हीला सुत्रांकडून मिळत आहे. कॉंग्रेस मुंबईत विधानसभेसाठी अधिकच्या जागा मागण्याची शक्यता वर्तविली जात आहे. या जागांमध्ये कुलाबा, मुंबा देवी, वडाळा, भायखळा, बांद्रा पूर्व, चांदीवली, अंधेरी पश्चिम, सायन कोळीवाडा, धारावी, बांद्रा,वर्सोवा, मालाड पश्चिम आणि जोगेश्वरीचा समावेश आहे. तर शरद पवार गट देखीलमुंबईत ८ ते ९ जागा लढवण्याच्या तयारीत असल्याचं समोर येत आहे. आता महाविकास आघाडीमध्ये जागावाटपावरून नेमका काय निर्णय होतो, याकडे सगळ्यांचं लक्ष लागलेलं आहे.

विधानसभेसाठी महाविकास आघाडीतील तिन्ही पक्षांना अधिकच्या जागा हव्या आहेत. त्यामुळे मविआचा जागावाटपाचा फॉर्म्युला नेमका काय असणार, हे पाहणं महत्वाचं ठरणार आहे. तर आगामी निवडणुकीत कॉंग्रेसच्या फुटीर आमदारांचा पत्ता कट होण्याची शक्यता आहे. त्यांच्या मतदारसंघातून विधानसभेसाठी कॉंग्रेस नवीन चेहऱ्यांना संधी देणार असल्याची माहिती मिळत आहे. त्यामुळे आता या आमदारांची धाकधूक वाढली आहे.