राज्यातील महायुती सरकारवर टीकेच्या तोफा डागणारे शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांच्याबाबत भाजप नेते चंद्रकांत पाटील यांनी मोठा दावा केला आहे. ठाकरेंच्या शिवसेनेला सत्तेत यायचे आहे, पण त्यांना घेत नाहीत. म्हणूनच संजय राऊत हे अमित शहांवर टीका करत असतात, असं चंद्रकांत पाटील म्हणाले.

चंद्रकांत पाटील यांचा जोरदार हल्लाबोल

अमित शहा यांनी छत्रपती शिवरायांच्या जीवनावर आधारित ५०० पानी पुस्तक स्वतः तयार केलं आहे. संदर्भ गोळा केले आहेत. हे पुस्तक येत्या काही दिवसांत पुण्यात की दिल्लीत प्रकाशित करायचं हा एवढाच मुद्दा राहिलेला आहे. शिवाजी महाराजांचा इतका अभ्यास केला आहे, त्या पुस्तकाचं वाचन केल्यानंतर संजय राऊत यांनाही चक्कर येईल. केवळ सत्तेत नाहीत. तुम्हाला यायचंय, पण घेत नाहीत म्हणून अमित शहा यांचा किती दुःस्वास करणार? रोज तुमची माणसं चालली आहेत, असा टोलाही पाटील यांनी लगावला.