मनसे-शिवसेना युतीची आज घोषणा होणार आहे. यासाठी उद्धव ठाकरे सहकुटुंब राज ठाकरे यांच्या शिवतीर्थ या निवासस्थानी दाखल झाले आहेत. ठाकरे बंधू एकत्र येणार असल्यामुळे शिवसैनिक आणि मनसे कार्यकर्त्यांमध्ये आनंदाचे वातावरण आहे. यानिमित्ताने तब्बल २० वर्षांनंतर ठाकरे कुटुंब आणि दोन संघटना एकत्र येत आहेत. राज ठाकरे आणि उद्धव ठाकरे यांनी एकाच कारमधून प्रवास करत शिवाजी पार्कमधील बाळासाहेब ठाकरे यांच्या स्मृतीस्थळावर जाऊन दर्शन घेतले. थोड्याच वेळात राज आणि उद्धव ठाकरे यांची पत्रकार परिषद होणार आहे. या पत्रकार परिषदेमध्ये ते युतीची घोषणा करतील. त्याचसोबत जागावाटपाचा फॉर्म्युला देखील जाहीर करतील.