विधान परिषद निवडणुकीच्या रणधुमाळीदरम्यान एक मोठी राजकीय घडामोड घडली आहे. शिवसेना ठाकरे गटाने नेते बाळ माने यांची पक्षातून हकालपट्टी करण्यात आली आहे. शिवसेना ठाकरे गटाचे नेते आणि खासदार यांनी सोशल मीडियावर पोस्ट करत ही माहिती दिली. बाळ माने यांच्या हकालपट्टीमुळे राजकीय वर्तुळात चर्चांना उधाण आलं आहे. पक्षविरोधी भूमिका आणि अलीकडील घडामोडींच्या पार्श्वभूमीवर ही कारवाई करण्यात आल्याची माहिती समोर आली आहे.

रायगड-रत्नागिरी-सिंधुदुर्ग विधानपरिषद मतदारसंघातून महाविकास आघाडीकडून शिवसेना नेते सुरेंद्र ऊर्फ बाळ माने यांना उमेदवारी दिली होती. त्यांनी मंत्री नितेश राणे यांच्यासोबत रत्नागिरी जिल्हाधिकारी कार्यालयात जाऊन अर्ज दाखल केला होता. पण आता त्यांनी अचानक आपला उमेदवारी अर्ज मागे घेतला. बाळ माने यांनी घेतलेल्या या निर्णयामुळे सर्वांना धक्का बसला. त्यांनी उमेदवारी अर्ज मागे घेतल्यामुळे कोकण विधानपरिषद निवडणूक आता बिनविरोध होणार असल्याचे स्पष्ट झाले आहे. बाळ माने यांच्या या निर्णयानंतर त्यांच्यावर पक्षाकडून कारवाई करण्यात आली. त्यांची पक्षातून थेट हकालपट्टी करण्यात आली.