राज्यात पुन्हा एकदा मोठ्या राजकीय भूकंपची चिन्हे दिसू लागली आहेत. गेल्या काही दिवसांपासून महायुतीमध्ये सध्या पडद्यामागे मोठ्या घडामोडींना वेग आलाय. प्रमुख नेत्यांमध्ये सलग बैठकींचा सिलसिला सुरू असून या बैठका अत्यंत गुप्तपणे पार पडत असल्याची माहिती सूत्रांनी दिली आहे. तृणमूल काँग्रेसच्या खासदारांनी वेगळा गट स्थापन केल्यानंतर ऑपरेशन टायगरची चर्चा राजकारणात सुरू असून ठाकरेंच्या गोटात देखील हालचालींना वेग आला आहे. रविवारी देखील उद्धव ठाकरे यांनी सर्व खासदारांची बैठक आयोजित केली होती. या बैठकीला 5 खासदार उपस्थित होते, तर इतर 4 हे ऑनलाइन उपस्थित असल्याने मोठी खळबळ उडाली आहे. दरम्यान, उद्या राजभवनावर मोठी राजकीय घडामोड होण्याची शक्यता व्यक्त केली जातेय. काही महत्त्वाचे नेते राज्यपालांची भेट घेणार असल्याची माहिती समोर येतेय. त्यामुळे राजकीय वर्तुळात चर्चांना उधाण आलंय.