Maharashtra floods and cyclone Shakti impact : पूराने होरपळलेल्या महाराष्ट्रावर शक्ती वादळाचं संकट घोंगावत आहे. राज्यातील काही जिल्ह्यांना 'शक्ती' चक्रीवादळाचा इशारा देण्यात आलाय... 7 ऑक्टोंबरपर्यंत शक्ती वादळ धडकण्याची शक्यता आहे...त्यामुळे मुंबई, ठाणे,पालघर, रायगड रत्नागिरी, सिंधुदुर्ग या जिल्ह्यात मुसळधार पावसाचा इशारा देण्यात आलाय...पूर्व विदर्भ आणि मराठवाड्यातील काही भागात मुसळधार पावसाची शक्यता आहे..मच्छीमारांनी खोल समुद्रात जाणे टाळावं असं आवाहनही प्रशासनाकडून कऱण्यात आलंय.

दरम्यान, मागील दोन महिन्यात राज्यात पावसाने हाहाकार माजवला आहे. मराठवाड्यात पावसाने होत्याचे नव्हते केले. बीड, धाराशिव, लातूर, जालना या दुष्काळी भागात पूरस्थिती निर्माण झाली. ओला दुष्काळ जाहीर कऱण्याच्या मागणीने जोर धरला आहे. यामधून शेतकरी अद्याप सावरलेला नाही, तोपर्यंत चक्रीवादळाचे नवे संकट ओढावले आहे.