बातमी अत्यंत महत्त्वाची आणि तुमच्या कामाची आहे. सणासुदीच्या पार्श्वभूमीवर राज्यात वीजपुरवठा खंडित होण्याची शक्यता निर्माण झाली आहे. कारण ९ ऑक्टोबरपासून वीज कर्मचाऱ्यांनी संपाचा इशारा दिलाय आहे. महावितरण, महापारेषण, महानिर्मिती या तिन्ही कंपन्यांमधील कामांच्या खाजगीकरणा विरोधात ७२ तासांसाठी राज्यव्यापी संपावर जाण्याचा निर्णय घेण्यात आला आहे. महावितरणचे ३२९ उपकेंद्र कंत्राटी पद्धतीने देण्याचा, तसेच महापारेषणमधील २०० कोटी रुपयांवरील प्रकल्प टीबीसीबी माध्यमातून भांडवलदारांना देण्याचा आरोप संघटनांनी केला आहे. या संपामुळे राज्यातील वीज वितरण विस्कळीत होण्याची शक्यता असून सणासुदीच्या काळात नागरिकांना अडचणींचा सामना करावा लागू शकतो.