राज्यभरातील सुमारे १ लाख ८० हजार डॉक्टर आजपासून संपावर जाणार आहेत. या संपामुळे रुग्णसेवेवर मोठा परिणाम होणार असून बाह्यरुग्ण विभाग तसेच आपत्कालीन वैद्यकीय सेवा बंद राहणार आहेत. सार्वजनिक वैद्यकीय महाविद्यालयांमधील आपत्कालीन शस्त्रक्रियाही पुढे ढकलण्यात येणार आहेत.

महाराष्ट्र वैद्यकीय परिषदेला CCMP अभ्यासक्रम पूर्ण केलेल्या होमिओपॅथी डॉक्टरांची नोंदणी करण्यास परवानगी दिल्याचा निषेध म्हणून हे आंदोलन सुरु करण्यात आले आहे. डॉक्टर संघटनांचा आरोप आहे की, या निर्णयामुळे वैद्यकीय क्षेत्रातील दर्जा आणि रुग्णांच्या सुरक्षिततेवर धोका निर्माण होईल.दरम्यान, संपामुळे रुग्णांना मोठ्या प्रमाणावर अडचणींचा सामना करावा लागणार आहे.